Kailangang ikumpisal ang kasalanan para makatanggap ng awa ng Panginoong Diyos

IKATLONG BAHAGI

BUHAY KASAMA NG PANGINOONG HESUKRISTO

Unang Seksiyon

BOKASYON NG BUHAY NG TAO SA ESPIRITU

UNANG KABANATA

Ang Dignidad ng Tao

ARTIKULO 8

ANG KASALANAN

I. AWA AT KASALANAN

Katekismo ng Iglesia Katolika # 1846

Ang Ebanghelyo ay ang paghahayag ng awa ng Panginoong Diyos sa mga makasalanan sa pamamagitan ng Panginoong Hesukristo (Lucas 15). Ipinahayag ng anghel kay Jose: "Papangalanan mo Siyang Jesus, sapagkat ililigtas Niya ang Kanyang bayan sa kanilang pagkakasala"(Mateo 1:21). Ganoon din sa Eukaristiya, ang sakramento ay pagtubos: "Ito tipan ng aking dugo, na ibinubuhos para sa ikapagpapatawad ng mga kasalanan " (Mateo 26:28)

Katekismo ng Iglesia Katolika #  1847

"Tayo’y nilikha ng Diyos nang wala tayo: nguni't hindi niya ipinahintulot na  iligtas tayo nang wala tayo” (St Augustine, Sermo 169,11,13. PL 38,923). Upang makatanggap ng Kanyang awa, dapat nating aminin ang ating mga pagkakamali. "Kung sinasabi nating tayo'y walang kasalanan, dinadaya natin ang ating sarili, at ang katotohanan ay wala sa atin. Kung ikinukumpisal natin ang ating mga kasalanan, siya ay tapat at makatwiran, at patatawarin ang ating mga kasalanan at tayo'y lilinisin sa lahat ng pagkakasala" (I John 1:8-9).

Katekismo ng Iglesia Katolika # 1848

Si St. Paul ay nanindigan, "Kung saan dumagsa ang kasalanan, lalot higit umaapaw ang grasya"  (Roma 5:20). Ngunit upang ito’y umiral, dapat maalis ang nagkukubli ng kasalanan para sa pagbabalik-loob at maipagkaloob sa atin ang "matuwid na walang hanggang buhay sa pamamagitan ni Hesucristo na ating Panginoon" (Roma 5;21). Tulad ng isang manggagamot na sinusuri ang sugat bago ito gamutin, ang Panginoong Diyos, sa pamamagitan ng Kanyang Salita at sa pamamagitan ng kaniyang Espiritu, ay nagtatanglaw ng buhay na liwanag sa kasalanan:

Ang pagbabalik-loob ay nangangailangan ng paghihimok ng kasalanan; kabilang dito ang taus na pagsusuri ng konsensiya, at sa pamamagitan nito, bilang isang patunay ng pagkilos ng Espiritu ng katotohanan sa pagkatao ng isang indibidwal, nagiging simula rin ng isang bagong kaloob na biyaya at pag-ibig: 

"Kamtin ang Banal na Espiritu." Kaya sa pamamagitan nito "ang paghihikayat patungkol sa kasalanan" nakakatuklas tayo ng isang dobleng regalo: ang regalo ng katotohanan ng konsensiya at ang kaloob ng katiyakan ng pagtubos. Ang Espiritu ng katotohanan ay ang Tapagpapagaan. (John Paul II, DeV 31 § 2).

FOR ENGLISH VERSION OF THIS PARTICULAR CATECHISM, YOU MAY CLICK THIS LINK.