Iginsumat an pananglitan mahitungod han mga saop han urubasan

😊✨ Vivat Jesus!

33 Nagsiring hi Jesus, “Pamati kamo hin lain nga pananglitan. May ada hadto hin tig-iya hin tuna nga nag-uma hin ubas. Gin-alad Niya an uma, nagbuho para hin mulino hin pagpili ngan nagtindog hin hitaas nga Lantawan. Katapos, ginpaagsan Niya hin mga saop ito nga urubasan ngan naglakaton Hiya.

34 Pag-abot han panahon han panguha han mga ubas, ginsugo Niya an Iya mga oripon ngadto ha mga saop hin pagkuha han iya bahin.

35  Kundi gindakop han mga saop am Iya mga oripon; ginbalbag nira an usa, ginpatay an ikaduha, ngan ginbato an iba.

36 Nagsugo liwat an tawo hin iba pa nga mga oripon, labaw pa kadamo han siyahan, kundi amo liwat an ginbuhat ha ira an mga saop. 

37 Ha katapusan, ginsugo Niya ngadto ha ira an Iya anak nga lalake. Nagsiring hiya, ‘Ha waray ruha-duha, tatahuron nira an akon Anak.’

38 Kundi han makita han mga saop an Anak, may hinsiring ha ira, “Anak ini han tag-iya. Tana, pataya ta hiya ngan aangkonon ta an urubasan.”

39 Sanglit gindakop nira an Anak, iginlabog ha gawas han urubasan ngan ginpatay nira.

40  “Niyan kon umabot an tagyaon han urubasan, ano man an Iya bubuhaton han mga saop?”, nagpakiana hi Jesus.

41 Binmaton hira, “Papatayon gud niya adto nga magraot nga mga  tawo, ngan paagsagahan Niya an urubasan hin iba nga mga saop nga makakahatag ha iya hin bahin ha iba nga panahon.

42 Ginsing hira ni Jesus, “Waray ba kamo makabasa han kasuratan? An bato nga iginsalikway han magtirindog nga waray gamit, nahimo lugod nga importante nga bato. Ginbuhan ini han Ginoo; pagkaurusahon gud pagkit-on.

43 “Sanglit, nagsiring Ako ha iyo”, nagpadayon hi Jesus, “kukahaon ha iyo an Ginhadian han Diyos ngan ighahatag han mga tawo nga makakahimo hin angay nga mga bunga (Mateo 21, 33-43).