Leni Robredo: 14th Vice President's Inaugural Speech

By: Allan Elutin Ecleo

LENI ROBREDO 14th Vice President of the Philippines Inaugural Speech June 30, 2016
Tagalog Version	English Version
Minamahal kong mga kabayayan: May mga sandali sa ating buhay na mas matingkad kaysa sa iba, noong nagkakilala kami ni Jesse, noong nasilayan ko sa unang pagkakataon ang mukha ng aming mga anak, noong bumagsak ang kanyang eroplano.	My dearest countrymen: There are moments in our lives that stand out than others, when I met Jesse, when I caught sight of my children’s faces for the first time, when the plane he rode crashed.
Ngayon, narito na naman tayo sa isang mahalagang yugto. Nagpapasalamat akong kasama ko kayo sa oras na ito. Kayong nagbigay ng inyong tiwala at umako ng ating laban bilang laban niyo rin. Samahan ninyo ulit ako sa aking bagong paglalakbay.	Now, we are here again in a significant episode. I am grateful that you’re with me in this hour.  You, who have given me your trust and embraced this fights as yours. Join with me again in this new journey.
Ang sandaling ito ay hindi lamang tungkol sa akin. Ito ang ating pagkakataong maisama ang mga nasa laylayan ng lipunan tungo sa maginhawang buhay sa mas malawak na paraan.	This journey is not all about me. This is our opportunity to bring those at the fringes of society to prosperity, in a more influential means.
Sa isang katulad nating nakikipagpulong sa riles ng tren, natutulog sa bangka at sumasakay sa habal-habal para maabot ang ating mga pinaglilingkuran, ito ay isang malaking biyaya para lalo pang makapaglingkod.	This is a great blessing to further service, for us who hold consultation meetings on train tracks, sleep on boats, and in horde riding motorcycles to reach those we’re serving.
Tayo ay nasa posisyong ito dahil hindi natin matalikuran ang tawag ng paninilbihan, at hindi natin sasayangin ang pagkakataong paigtingin ang ating mga ipinaglalaban.	We are in this position because we cannot and will not turn our backs on servanthood, and we will not waste this opportunity to fortify our advocacies.
Niyayakap natin ang responsibilidad na ito, na may buong pagpapakumbaba, pasasalamat, at pagsusumikap.	We embrace this responsibility with humility gratefulness and endurance.
Ang mga pangarap ng ating Pangulo at ating mga plano para sa bansa ay nagkakatugma patungo sa iisang hangarin: ang mabigyan ng tunay na kaunlaran ang ating mga kababayan, lalo na ang mga napag-iiwanan. Marami nang naumpisahan pero marami pa ring kailangang punan. Kaya ang ating panata ay malagpasan ang kahit ano pang hamon.	The vision of our President and our plans for the country harmonize towards a unified goal: of bringing real prosperity to our countrymen, especially those that have been left behind. Much has been started, but there’s more to be done. That is why our promise is to excel in whatever challenge.
Hindi natin hahayaang mapigilan tayo ng ano mang balakid upang makapagsilbi at handa tayong makipagtulungan sa lahat.	We will not allow any hindrance against service and we are eager to collaborate with everyone.
Ang tanging paraan para matupad ang hangaring ito para sa ating bansa ay ang sama-samang pagkilos. Naniniwala ako na sa panahong tila may mga matitinding hidwaan na nangyayari sa mundong kinagagalawan natin, ang hamon sa atin ay magsama-sama, paigtingin ang ating pagkakaisa, at gawing lakas, hindi hadlang, ang ating pagkakaiba.	The only way for all of us to realize our vision for our nation is through joint forces. I believe that in occasions when there seem to be extreme conflict in the world where we are evolving, the challenge is to unify, reinforce our unanimity, turning our differences into strengths.
Kailangan nating gawin ang tama para sa karamihan, hindi lang sa iilan. Ang katapatan ay dapat ibigay sa ating pinangakuang pagsisilbihan kahit labag ito sa pansariling interes. Namulat tayo sa ganitong uri ng pagsisilbi at itutuloy natin habang tayo’y nabubuhay.	We must do right not for the interest of the few but for the common good. Our loyalties must be bestowed on those we are sworn to serve, even at the cost of personal interest. We were sculpted in this type of servanthood and this will be for a lifetime.
Bukas ang pintuan ng Tanggapan ng Pangalawang Pangulo sa lahat – anuman ang katayuan sa buhay, paniniwala, o partido.	The doors of the Office of the Vice Presidency are always open – whatever social status, belief and political party.
Tayo ay magiging tanggapan na palaging nakikinig sa boses ng taumbayan. Hangad nating maging magkatuwang ang pamahalaan at pribadong sektor tungo sa pagbabago, para sa mga nasa laylayan ng lipunan na dapat nating paglingkuran.	We will be an office that seeks the voice of the people. We’re aiming to create partnerships between the government and the private sector towards real change, for those at the fringes of society that we must serve.
Ang ating pagtutulungan ang ating pinakamabisang puhunan. Napatunayan na nating hindi sagabal ang anumang kakulangan sa totoo, tapat at pursigidong paglilingkod. Ang pagsubok ay kabilang mukha lamang ng pagkakataon. Itong ito ang kwento ng ating paglalakbay. Noong nagsimula tayo, parang walang naniniwalang may pag-asang manalo. Ngunit dahil sa pagbubuklod ng ambag ng bawat isa – tulad ni Nanay Alberta na nagsangla ng singsing para makatulong sa ating kampanya, tulad ng paglalakbay muli ng Sumilao Farmers, tulad ng mag-amang pinagtagpi-tagpi muli ang napunit nating posters, tulad ng marami sa inyong kasama ko ngayon na nagsakripisyo – nanaig tayo.	Collaboration is our most significant resource. We have proven that insufficiency is not a barrier for a sincere and persevering service.  Trial is only the other side of the opportunity.  This is the story of our journey.  When we started, it seemed that no one believed for a hopeful triumph.  However, because of everyone’s combined involvement - like Nanay Alberta who pawned her ring to help with the campaign, like the Sumilao farmers who traveled by foot again to Manila, like the father-and-son efforts which we by chance witnessed fixing our destroyed posters, like many of you with me today who sacrificed – we indeed prevailed.
Kapag naninindigan tayo para sa mga pinaniniwalaan natin, kapag handa nating pagsakripisyuhan ang ating mga layunin, ang imposible ay kinakayang gawing posible.	Impossible can be made possible when we stand for what we believe in, when we are ready to forgo our personal interests.
Kaya buo ang loob ko na marami tayong magagawa sa anim na taon. Inaaya ko kayong lahat na nais tumulong na magtungo sa ating tanggapan para sabay tayong mangarap at kumilos para mabigyan natin ng mas magandang buhay ang ating mga kababayan.	That’s why I’m confident that we can accomplish many things in the next six years. I invite all of you who are willing to help, to visit our office so we can dream and work together for the betterment of our countrymen.
Pagsama-samahin natin ang ating mga hangarin at kakayahan upang makalikha tayo ng makabuluhang pag-unlad.	Let us bring all our aspirations and aptitudes together so we can create the most significant advancement.
Ang pangunahin nating tututukan ay gutom at sapat na pagkain, kalusugan para sa lahat, kaunlaran ng kanayunan, edukasyon at people empowerment. Sa mga larangang ito, walang dapat sayanging oras. Ang pangarap natin ay maibsan ang paghihirap sa lalong madaling panahon. Niyayaya ko kayong muli akong samahan sa paglalakbay na ito.	Our top priority is to address poverty and food security, universal health care, rural development, education and people empowerment. No time should be wasted in these areas. Our dream is to eradicate impoverishment the soonest possible. I am inviting you to join me in this journey once more.
Sa unang isandaang araw, plano nating magtungo sa malalayo at maliliit na barangay sa bansa, upang alamin ang mga bagay na nais niyong matugunan. Ito ang sinimulan na nating gawin sa ating distrito sa lalawigan ng Camarines Sur – kung saan ako isinilang, nag-aral, nagtayo ng pamilya, namulat sa mga problema ng lipunan at kung saan napudpod ang ating mga tsinelas sa paghahanap ng mga mabisang solusyon sa kahirapan.	In first 100 days, we plan to go to the far-flung and the smallest barangays of the country, to identify the areas of concern that need to be addressed. This is what we did in our district in Camarines Sur - the place where I was born, studied, raised family, the place that formed my awareness of society’s predicaments, and where my sleepers were fossilized to find solutions that’s best suited to address poverty.
Umaasa tayo na sa pagdala natin sa Tanggapan ng Pangalawang Pangulo sa inyong mga barangay, mas mararamdaman ninyo na totoong nariyan ang pamahalaan para sa inyo.	We hope that as we bring the Office of the Vice Presidency to your barangay, you will feel the government is there for you beyond doubt.
At kapag nadama ninyo iyan, magkakaroon din tayo ng inspirasyon na simulan ang pagbabagong loob.	And when you feel that, we will also be inspired to start with transformation.
Nakita natin ito sa mga magsasaka at mangingisda na ating natulungan, sa bawat inabusong asawa na ating binigyang lakas, o sa bawat katutubo o manggagawang nakasalimuha.	We have witnessed this from our farmers and fishermen we have supported, to each battered woman whose morale we tried to boost, in each indigenous person, or laborers we have communed with.
Anumang pagbabago sa ating bayan ay nagsisimula sa pagpupursigi ng bawat Pilipino. At kapag nagkaisa tayo, walang imposible. Sabi nga ni Jesse nuong siya ay nabubuhay pa: “What brings us together as a nation is far more powerful than what pulls us apart.” (Ang nagbibigkis sa atin bilang isang bansa ay hindi hamak na mas malakas kaysa nagbabaklas sa atin)	Any transformation in our country will begin from determination of every Filipino.  Nothing is imposibble when there is unity.  As Jesse (her late husband who was reputed for servanthood) says, “What brings us together as a nation is far more powerful than what pulls us apart.”
Sa panahon ng matinding hidwaan, ang pagkakaisa ng bansa ang tanging pag-asa. Iba iba man ang ating pinanggagalingan, iisa ang ating hangarin: na ang bawat pamilyang Pilipino ay mamuhay ng may dangal.	In the moment of extreme conflict, unity of our countrymen is the country’s hope. We may come from different walks of life or different advocacies, but our aspirations are no different: that each Filipino family will live with dignity.
Ang sandaling ito ang simula ng sama-samang pagtupad sa hangaring ito. Maraming salamat sa inyong lahat at mabuhay ang Pilipinas.	This moment is the birth of collective fulfillment of these aspirations. Thank you very much and long live Philippines!

  

SEE HERE RODRIGO DUTERTE'S (THE 16TH PRESIDENT OF THE PHILIPPINES), INAUGURAL SPEECH SHIELDED WITH PASSION ON GOOD GOVERNANCE IN THE SERVICE OF THE FILIPINO PEOPLE.