Sumasalungat ba ang selebrasyon ng Pasko sa kautusan ng Panginoong Diyos kung kaya't itoy may paganong pinag-ugatan?

Nakatala sa Ebanghelyo ni San​ Lucas na ang pagpapahayag ng Ang​hel Gabriel​ tungkol sa paglilihi ni Maria​ ay naganap makalipas ang anim na buwan na pagdadalan-tao kay Juan Bautista​, kung saan kinuha ang araw ng paglilihi sa huli hango sa naestablisang panahon nang ang kanyang Tatay ay nagsisilbi sa templo nang siya ay nakatanggap ng sarili niyang aparisyon mula sa Arkanghel Gabriel​.

Mahalagang bigyang diin na ang Araw ng Pagpapahayag ay ipinagdiriwang ng Simbahan umpisa pa noong mga unang panahon ng ika-25 ng Mar​so, kung saan pumapatak ng siyam na buwan makalipas bago mag-disyembre, papasok sa panahon ng solstisyo ng taglamig, halimbawa'y ika-25 ng Disyembre.

Kung kaya't ito ang pinakatumpak at tiningnang araw, na hango sa kasaysayan ng Simbahan, sagradong tradisyon, at hango sa iskolar na pag-analisa ng Bibliya, bilang tunay na kapanganakan ng ating Panginoong Hes​us.

Sa naturang ito, ang tiyempong ito ng mga bituin sa kalangitan ay umaakma sa Makalangit na Plano para sa salibutan kaysa kabaliktaran. Ang sansinukob ay nilikha sa pamamagitan ng Panginoong Hesus, ang Anak ng Diyos (Juan 1:3), at nang ang sanlibutan ay lugmok sa kasalanan, ang Ara​w ng Katarungan (Malakias 4:2) at ang Liwanag ng Mundo (Juan 8:12) ay isinilang - ang pagdating ng Ipinangakong Tagapagligtas para sa katubusan ng sanlibutan.

Paa​NO YUNG INAANGKING PANINIWALA NG MGA DI-KATOLIKO NA ANG PASKO DIUMANO'Y NAG-UGAT SA MAKAPAGANONG SELEBRASYON, ITO BA'Y TUTUO?

Ang paganong selebrasyon ng Solstisyo ng Taglamig (Disyembere 21-22) na ikinankabit ng mga di-katoliko sa ipinagdiriwang na Pasko ay nag-uumpisa at natatapos bago ang ika-25 ng Disyembre, at ang kulto ng Romanong diyos ng araw ay pinalaganap makalipas ang isang siglo ng pagkakatatag ng pinakaunang naitalang Pasko na ipinagdiriwang ng ika-25 ng Disyembre. Samakatuwid, ito ay itinatag para burahin ang selebrasyon ng pagsilang sa Panginoong Diyos ng mga Kristiyano na ipinagdiriwang tuwing ika-25 ng Disyembre, kaysa ang kasalungat nito na isinisigaw ng mga sekta.

Kung kaya't walang mga pistang pagano na nagaganap saang sulok man ng mundo tuwing ika-25 ng Disyembre bago pa man naitatag ang selebrasyon ng pista ng Pasko.

FOR ENGLISH TRANSLATION OF THIS POST, YOU MAY CLICK THIS LINK