Debate: Plataporma panggobyerno ng mga kumakandidatong Presidente na tututukan ng bansang Pilipinas

Tony Velasquez (Tagapamagitan)  At ngayon po ay iikot pa rin tayong muli sa ating mga kandidato. Bibigyan pa po natin sila ng 30 ssegundo para dagdagan ang kanilang mga sagot. Kung sakali man, kung gusto niyo mag react po kayo sa mga narinig niyo na mula sa inyong mga katunggali. Magsimula po tayong muli kay Vice President Binay.

	VICE PRESIDENT BINAY
	MARKA
	MAKATOTOHANAN	ILUSYON
	UNANG ISYU – KARAGDAGANG REAKSIYON UKOL SA PHILIPPINE SEA
	0	0
Okay na. Nasabi ko na yung dapat kong itulong sa ating kababayan sa problema niyang hinaharap.

	SENATOR MIRIAM SANTIAGO
	MARKA
	MAKATOTOHANAN	ILUSYON
	UNANG ISYU – POSISYON UKOL SA PHILIPPINE SEA (KARAGDAGANG REAKSIYON)
	1	1
Napakadaling sabihin na i-giyera natin ang Tsina. Eh kung matalo ang Tsina at nagsurrender silang lahat? Anong ipapakain natin sa kanila? (1) Kundi kailangan niya sa lahat ng bukas na paraan, bintana o pinto, papasok tayo doon sa diplomasiya. (1) Dalawang klaseng diplomasiya eh, una, yung tulong estado at pangalawa.
KOMENTARYO:
1). Matatandaan na sa kanyang naunang pahayag na tatawagin niya ang Coast Guard para bombahin ang mga nanawid-bakod.  Kung kaya ito ay hindi makatotohahan dahil sa salu-salungat na pahayag.

  

	MAYOR RODRIGO DUTERTE
	MARKA
	MAKATOTOHANAN	ILUSYON
	UNANG ISYU – KARAGDAGANG REAKSIYON UKOL SA PHILIPPINE SEA
	2	2
Oo. Kailangan nating bigyan ng diin ang legalidad ng ating pagmamay-ari. Kailangang hawak-hawak natin ang dokumentong nanalo tayo sa korte. At, igigiit natin sa Tsina na lisanin ang lugar. Amin yan, ekslusibong economic zone. (1) Kaya kung ayaw ninyo at ayaw tayong tulungan ng Amerika at magka-giyera, dadanak ang dugo. (1) Hindi ko ibibigay ang buhay ng mga Pilipinong sundalo. (2)  Kaya ako na lang ang pupunta doon, no. Bakit magsasayang ng panahon? (2) Ako na lang…Kung ganoon, okay lang.
KOMENTARYO:
1). Wala na bang ibang alternatibo kung tumanggi sa pagtulong ang Amerika?   At kung ito’y mamamagitan, paano isasagawa ang seguridad ng mga tao sa seguridad?  2). Ang pagtanggi ng Amerika na tulungan ang Pilipinas sa krisis na ito ay nangangahulugan ng mga nakatayang buhay, kagaya ng sabi niya, na tutuo naman dahil ito’y potensyal na away pangkapayapaan.  Nawa’y maghari ang kalooban ng Panginoong Diyos!) Ganunpaman, ang pagpunta doon ng solo na wala ang kanyang puwersa ay para na ring pagpapatiwakal, na hindi kaibig-ibig dahil nandito tayo bilang isang bansa, bilang isang grupo, bilang pinagsamang kilos sa hirap at ginhawa, kung kaya’t bakit kailangang pumunta dun na walang kalaban-laban?

	SENATOR GRACE POE
	MARKA
	MAKATOTOHANAN	ILUSYON
	UNANG ISYU – KARAGDAGANG REAKSIYON UKOL SA PHILIPPINE SEA
	1	0
Alam niyo po yong sitwasyon dito sa Tsina parang sa paaralan kung saan binu-bully yong mga Grade 1. Tayo yon. Yong ating mga ibang kakampi naman sa Asya parang mga Grade 2. Yong iba nating mga kakampi nasa high school, gusto tayong tulungan, gusto tayong tayuan. Pwede nating hingin ang kanilang tulong basta wala tayong isinu-surrender sa kanila na ating soberanya o kalayaan dahil hindi naman natin pwedeng isugal din ang buhay ng ating mga Navy. (1) Pero kasama rin dun, kailangan tayong manindigan dito sa ating teritoryo.
KOMENTARYO:
1). Ito’y pangalawang pagkakataon na mawawalan ng teritoryo ang Pilipinas dyan sa South China/West Philippine Sea. Ang puwersa ni Marcos sa Pugad Island noong 1975 nawalan ng teritoryo nang silay’s dumalo ng birthday party ng kanilang commander sa karatig na Parola island. [1] Ayon sa balita, sila’y tinukso ng mga bayarang babaeng nakaabang dun bilang handog ng mga kaibigang Vietnamese.  Pagbalik nila kinaumagahan ay may nakaabang nang puwersa ng Vietnamese kasama ng kanilang kanyon na nakaumang sa sinumang gagawi doon.  Kaya anong kasiguruhan na hindi ito mangyayari ulit sa kadahilanang laganap na korupsiyon sa bansa?

	SECRETARY MAR ROXAS
	MARKA
	MAKATOTOHANAN	ILUSYON
	UNANG ISYU – KARAGDAGANG REAKSIYON UKOL SA PHILIPPINE SEA
	2	1
Ang pagiging pangulo ay pagiging Commander-in-chief din ng ating Sandatahang Lakas. (1) Dapat maging mahinahon tayo (1) dahil bawat salita ng isang pangulo, ng isang Commander-in-Chief ay sinusundan ng ating mga kasundaluhan at ng ating kapulisan. Buhay nila ang nakataya dito. Hindi ito isang laro. Hindi ito isang ping pong. Mahalaga po na makahanap tayo ng diplomasya para malutas ito. (2) Talo ang mga... ...mamamatay ang mga sundalo natin.
KOMENTARYO:
1). Bilang Commander-in-Chief, muli ang panahon ay mahalaga para maipahayag kung kailan mareresolba ang isyung ito patungkol sa gulo dahil nasa eksena na ito mula pa noong 2011.  Matatandan na noong Setyembre 2012, si Sen. Trillanes at Senate President Juan Ponce Enrile ay nagkaroon ng bangayan hinggil sa galaw ni Trillanes bilang negosyador ng Pilinas sa Tsina ukol sa gusot sa Scarborough Shoal[2] pero walang klaradong nangyari sa bandang huli makalipas ang 16 na beses na pakikipag-miting sa Tsina dahil isinampa pa rin ang usaping ito dito sa debate.

PAGES
MAIN	1	2	3	4	5	6	7	8	9	10	11	12	13	14

---

[1] Rigoberto D. Tiglao, Congress should probe Aquino, Trillanes and del Rosario, June 28, 2015 9:53 pm, http://www.manilatimes.net/congress-should-probe-aquino-trillanes-and-del-rosario/195919 

[2] Trillanes, Enrile clash over China talks

David Dizon, Ira Pedrasa, ABS-CBNnews.com, Posted at Sep 19 2012 04:28 PM | Updated as of Sep 20 2012 07:10 AM