Debate: Plataporma panggobyerno ng mga kumakandidatong Presidente na tututukan ng bansang Pilipinas

Tony Velasquez (Tagapamagitan)  Bagong bayani, lumang problema. Higit sampung milyong pilipino ang nakikipagsapalaran sa ibang bansa, nangungulila, nagsasakripisyo para mabigyan ng magandang buhay ang kanilang mga pamilya.                    At sabi nga ni Nanay (Christy), darating pa kaya ang panahon na makakauwi silang mga OFW at hindi na kailangang umalis pa muli. Panoorin natin ‘to. Wala po akong katabi dito ngayon. Pero ang ilan po sa ating mga kababayan na nasa Dubai ay kasama natin ngayon. Naghihintay po sila na marinig ang inyong sagot. Sila po ay nanonood via Skype. Unahin po natin ang sagot ni Senator Poe.

	SENATOR GRACE POE
	MARKA
	MAKATOTOHANAN	ILUSYON
	PANGATLONG ISYU -  PERMANENTENG TRABAHO
	7	0
Talagang bagong bayani ang ating mga kababayan na OFW. At ako'y taus-pusong nagpapasalamat sa kanila sapagkat talagang sinalba ninyo ang ating bayan at ekonomiya nang ilang dekada. (1) Mga kababayan, ito ang pwede kong gawin para sa inyo. Magkakaroon tayo ng portable Philhealth Card na pwede ninyong gamitin saan man sa mundo. (2) Bakit? Dahil ang binibigay ninyong buwis sa ating bayan o kita sa ating bayan ay $26 billion. Sa VAT pa lang nun, P150 billion na, na puwede nating gamitin sa inyo. (3) Magkakaroon ng 24-hour hotline para sa ating mga kababayan na may problema dun. (4) Makikipag-usap kami, bilateral talks, sa ibang bansa para maprotektahan kayo kasama ng Saudi Arabia na ayaw natin ang Kafala System nila, na hindi nakakatulong sa inyo. (5) Mga kababayan, pero ang aking gusto talagang gawin ay ihanda ang ating ekonomiya para kung gusto ninyong umuwi ay may trabaho kayo. (6) Marami tayong mga teachers na nagtatrabaho bilang katulong sa ibang bansa, pero may mga ilang – may mga alam na kayong lengguwahe na ‘pag dumating kayo dito kailangan namin kayo dahil kulang ang mga teachers dito. (7)  Lalago ang ating ekonomiya para hindi na ninyo kailangang umalis, at kung umalis man kayo ay dahil ito'y sa kagustuhan ninyo. Maraming nililikha na problema dahil nawawalay sa pamilya. Bilang isang nanay, bilang isang babae, gusto ko magsama-sama na tayo. At maraming salamat.
KOMENTARYO:
1). Itong $26 billion na malaking halaga na naipapasok ng mga OFWs bilang kita ng bansa ay nararapat lamang na bilang pagtanaw ng utang na loob ay gumawa ng hakbang sa lalong madaling panahon na matigil na itong tanim-bala scam sa paliparan.  Ang iiwan ang kanilang mga mahal sa buhay upang kumita ng pera sa ibang bansa ay isa ng sakripisyo kaya huwag ng dagdagan ng iba pa ang kanilang sakripisyo.

	SECRETARY MAR ROXAS
	MARKA
	MAKATOTOHANAN	ILUSYON
	PANGATLONG ISYU -  PERMANENTENG TRABAHO
	4	0
Alam niyo, ikukuwento ko pa sa inyo ang isang tulad ninyo, (Christine Reyes), OFW sa Middle East din. Minaltrato sya nung kanyang employer, nakabalik dito, nakakuha ng tulong at training mula sa OWWA. At sa ganung paraan, nakapagsimula siya ng pagtrabaho. Magmula noon, inipon niya yung kanyang pera at ngayon, may may-ari na ng Spa. Taga-Pangasinan siya, Christine Reyes. Apat ang kanyang spa dito at nag-e-expand pa. (1) Ito ang halimbawa na nais nating mangyari para sa lahat ng ating mga OFW. At mangyayari lamang ito kung malago ang ating ekonomiya. At lumalago naman talaga ang ating ekonomiya. Meron tayong pinakamababang bilang ng mga walang trabaho sa nakalipas na sampung (10) taon, sa kasalukuyan. (2) Maraming mga trabaho na nalilikha dito. At alam ko kung nais makauwi ng ating mga OFW ay makakauwi sila. Samakatuwid, mahigit 600,000 ang bawas ng mga bilang ng mga OFW na nag-a-apply pabalikl ng abroad. Ibig sabihin nakakapaghanapbuhay sila dito. (3) Ang importante ay ang paglago ng ating ekonomiya. Importante po ’yon para may mauuwian kayo rito. Nais namin na makauwi kayo rito para kasama ninyo ang inyong pamilya, hindi kayo mawalay sa kanila, at hindi magiging mahirap ang inyong pamumuhay. Importante na mabuo natin ang pamilya. (4) ’Yan ang sentro ng ating lipunan, ’yan ang lakas ng Pilipino, ang Pilipinong pamilya.

	VICE PRESIDENT JEJOMAR BINAY
	MARKA
	MAKATOTOHANAN	ILUSYON
	PANGATLONG ISYU -  PERMANENTENG TRABAHO
	4	1
Mga bagong bayaning OFW, alam po ninyo, sa aking pamumuno magkakaroon po ng pension plan para sa OFW. (1) Aalisin po natin ‘yung pang-membership fee sa OWWA. Gobyerno na ho ang sasagot sa lahat at lahat ng pamamaraang tinutulong ng OWWA. (2) Magkakaroon po tayo ng road map para malaman ho ninyo dun sa umpisa ninyong pagtratrabaho bilang OFW, eh, ano ho ang mararating niyo hanggang sa kayo ay tumigil ng pagiging OFW. (3) At sana ho eh – ah sa aking pamumuno, eh, patitikim ko ho sa inyo. Narinig ko, tila ho yata kayong nasa screen. Nakita ko kayo doon sa ako'y bumibisita sa inyo sa mga shelter houses. ’Yun hong legal assistance, meron na hong inilaan na 100 milyong tulong, legal assistance, eh, hindi ho ina-approve, hindi ho inilalabas ng gobyernong ito. (2) Panghuli, sana kayong mga OFW, hindi na ho kayo aalis dahil sa pangangailangan, kapit-patalim, kundi ho ito ay kagustuhan na lamang. (4) Ayan po ang mangyayari. ’Yan ho ang itutulong ko sa inyo. Ito ho ay batay sa karanasan na tayo po ay nagsama-sama. Mga problemang narinig ko ho sa inyo, eh, atin hong haharapin.
KOMENTARYO:
1). Kung ang Php100 million na alokasyon bilang legal assistance sa mga OFWs ay hindi naaprubahanm maaaring hindi kinayanan ng budget o di kaya ay sa ibang sektor ginamit.  Kaya mas nakaigi sana kung klinaro ng Bise Presidente kung paano niya ito popondohan nang hindi maiipit.

	SENATOR MIRIAM DEFENSOR-SANTIAGO
	MARKA
	MAKATOTOHANAN	ILUSYON
	PANGATLONG ISYU-  PERMANENTENG TRABAHO
	2	0
Ang pinakamainan para makatulong tayo sa OFW ay gawin itong paglabas ng bansa hindi dala ng pangangailangan.  Ito’y magiging isang alternatibo, ngunit ito’y hindi magiging dala ng pangangailangan.  Kung kaya’t kailangan nating patatagin ang ekonomiya. Bakit tayo’y nasa ganitong kasalukuyang katatayuan?  Ang legal na tulong, una, ay napakahalaga para sa mga OFWs.   Mahalaga na sila ay mayroong ugnayan sa deretsahang pag-uusap sa DOLE (Department of Labor and Employment) o sa OWWA (Overseas Welfare Administration) upang sila ay makahingi ng tulong. At ang ating Consuls general ay dapat magkaroon ng espesyal na pagsasanay para tulungan ang mga taong ito tuwing sila’y gipit, na siyang responsibilidad nila una sa lahat. (1) Sa mga OFWs, ang inyong pinakamagandang pagkakataon ng empleyo pagbalik niyo rito sa Pilipinas ay kung ang ASEAN Economic Community ay mag-umpisa na.  Lahat ng sampung bansa na miyembro ng ASEAN ay magiging miyembro ng ekonomiya pangkomunidad.  At sa ganitong paraan, maraming trabaho ang mabubuksan para sa atin sa mga karatig bansa ng ASEAN. (2) Kaya, yan ay magiging malaking oportunidad para sa kanila kapag ang ASEAN Economic Community ay magbukas na. Kapag tayo’y magiging rasonable sa ganitong paraan, magiging rasonable tayo kasama ng mga ibang bansa sa buong mundo.  At tayo’y hindi na nakatuon sa OFWs dahil ito’y kagustuhan na lang, hindi pangangailangan.

	MAYOR RODRIGO DUTERTE
	MARKA
	MAKATOTOHANAN	ILUSYON
	PANGATLONG ISYU -  PERMANENTENG TRABAHO
	4	1
Ito’y halos araw-araw na tanawin na mababasa sa mga pahayagan patungkol sa mga pang-aabuso sa ating mga kababayan na nagtatrabaho bilang OFW sa ibang bansa.  Isusulong ko na lumikha ng isang gobyerno na nakalaan lamang para sa pangangalaga ng ating OFW.  Lahat ng kailangan, permit, ano, diyan na nila kukunin sa administrasyon na yan, ito’y magiging isang departamento ng pagngangalaga sa kanila. (1) Pangalawa, ako’y lilikha ng bangko para sa mga padala, hindi na sila pupunta ng mga tagapadala.  Sila’y makakatungo ng bangko at tayo’y magkakaroon ng bangko kahit saan mang dako kung saan sila ay naroon. (2) At pangatlo, gagawin itong isang obligasyon ng Consul General or Consul ang tutukan ang mga Pilipino sa ibang bansa.  At ang unang senyales ng pang-aabuso ay mabibigyan ng libreng gasto pauwi.  Ito’y popondohan natin.  At kapag sila’y nagkasakit…babayaran ko ang ospital. (3) Magkakaroon tayo ng credit line sa lahat ng hospitals. ’Yung nabugbog, na gustong umuwi agad, bigyan sila ng ticket. Mandatory lahat ’yan. (4) Kung sinong gustong umuwi, gusto niyang itigil ang kontrata, magkakaroon siya ng tulong legal. (1)  At ang importante sa lahat, bawat isa ay isinalang-alang ang kapakanan ng mga Pilipino. Ito’y awtomatikong obligasyon ng Consular services.
KOMENTARYO:
1). Sinabi ni Binay na ang Php100 milyong alokasyon bilang legal assistance sa mga OFW’s ay hindi naaprubahan, kaya mas maganda sana kung nagbigay siya ng klaradong punto kung pano niya ito ipapatupad bilang tugon sa isinaad ng Bise Presidente.

Tony Velasquez (Tagapamagitan) Muli sa ating mga kandidato. Thirty seconds po muli para po sa kanila na magdagdag sa kanilang kasagutan. Senator Poe.

	SENATOR GRACE POE
	MARKA
	MAKATOTOHANAN	ILUSYON
	PANGATLONG ISYU -  PERMANENTENG TRABAHO (KARAGDAGANG SAGOT)
	3	0
Kailangan hindi – kasama rin ang mga OFW, ’yung mga seaman natin. Marami po sa kanila ang kailangang magpa-renew halos taun-taon ng kanilang Seaman's Book. Kailangang mabilis. Kailangan ng isang departamento na inaalagaan ang pangangailangan nila pati healthcare ng kanilang mga pamilya na naiiwan dito. (1) Ang terminal fees, dapat wala na ’yong mga OFW natin. Pero kailangan pa nilang irefund na pinabibigyan pa natin sila ng problema. (2) Dapat red carpet treatment. Huwag pakialaman ang balikbayan box at ’wag tamnan ng bala ang kanilang bagahe. (3)

	SECRETARY MAR ROXAS
	MARKA
	MAKATOTOHANAN	ILUSYON
	PANGATLONG ISYU -  PERMANENTENG TRABAHO (KARAGDAGANG  SAGOT)
	0	0
Maraming mga lutas sa problema ng OFW ang nakukuha sa sentido kumon. Halimbawa, sa iba’t ibang bansa ang ating mga embahada at labor attache sarado ’pag weekend kung kailan libre at may oras ang ating mga OFW. Papaano sila pupunta at hihingi ng tulong sa ating mga representatives kung sarado ang mga tanggapan? Isa iyan sa mga kilos na gagawin natin, bukas ang ating mga tanggapan para kung kailan nangangailangan ang gating mga OFW, may mapupuntahan sila. (1)

	VICE PRESIDENT JEJOMAR BINAY
	MARKA
	MAKATOTOHANAN	ILUSYON
	PANGATLONG ISYU -  PERMANENTENG TRABAHO (KARAGDAGANG SAGOT)
	2	0
Ipagpapatuloy ko po, mga OFW, lalo na diyan ho sa Middle East na sundan sana ’yung iniutos o pinakikiusap ng ILO (International Labor Organization). At ito ho ay ginawa na ho ng Saudi Arabia. (1) Lahat po ng mga nagtratrabaho sa Saudi Arabia, pinayagan na pong magkaroon ng sariling passport, hahawakan nila ang passport, nakaka – mayroon na silang mga weekend na bakasyon. ’Yun ho ang aking pipiliting mangyari sana sa kabuuan ng Middle East para sa OFW. (2)

	SENATOR MIRIAM DEFENSOR-SANTIAGO
	MARKA
	MAKATOTOHANAN	ILUSYON
	PANGATLONG ISYU -  PERMANENTNG TRABAHO
	1	0
Gusto ko lang idagdag na pinag-uusapan natin kung anong tulong natin sa OFW pag nandudoon siya sa ibayong bansa. Pero dito pa lang sa ating bansa, sinasamantala na ang OFW dahil sa recruitment fees na maaaring peke o di tutuo, alinsunod sa hinihinging mga  dokumento na hindi naman talaga kailangan, para lamang mapaigting ang bureaucratic red tape na nakapalibot sa leeg ng OFWs. Kaya lahat iyon, mga illegal recruiters. (1)

	MAYOR RODRIGO DUTERTE
	MARKA
	MAKATOTOHANAN	ILUSYON
	PANGATLONG ISYU -  PERMANENTENG TRABAHO (KARAGDAGANG SAGOT)
	2	0
Kailangan ay bigyan sila ng shopping list ng DOLE (Department of Labor and Employment) o anuman – o sa opisina, OFW. Kung sila’y sumusunod dito, wala na silang idagdag at walang kunan ha, para hindi na pabalik-balik. (1) Yan ang kalbaryo ng ating mga Pilipino, kasama ang mga seamen. Kung anong hinihingiin, eh, kinukurakot kasi. At yan ay problema. Sila mismo ay nagrereklamo patungkol sa korupsiyon sa gobyerno. (2) Kung kaya’t ang gobyerno ay dapat itigil ang korupsiyon.

PAGES
MAIN	1	2	3	4	5	6	7	8	9	10	11	12	13	14